EvangeliumLatein

Evangelium in Dominica


  17. Dominica per annum (28. lulii) Anno B

zurück deutsche Version / Germanica Versionem

post haec abiit Iesus trans mare Galilaeae quod est Tiberiadis.

et sequebatur eum multitudo magna quia videbant signa
quae faciebat super his qui infirmabantur.

subiit ergo in montem Iesus et ibi sedebat cum discipulis suis.

erat autem proximum Pascha dies festus Iudaeorum.

cum sublevasset ergo oculos Iesus et vidisset
quia multitudo maxima venit ad eum
dicit ad Philippum: unde ememus panes ut manducent hii?

hoc autem dicebat temptans eum. ipse enim sciebat quid esset facturus.

respondit ei Philippus:
ducentorum denariorum panes non sufficiunt eis
ut unusquisque modicum quid accipiat.

dicit ei unus ex discipulis eius Andreas frater Simonis Petri:

est puer unus hic qui habet quinque panes hordiacios et duos pisces.
sed haec quid sunt inter tantos?

dixit ergo Iesus: facite homines discumbere.
erat autem faenum multum in loco.
discubuerunt ergo viri numero quasi quinque milia.

accepit ergo panes Iesus et cum gratias egisset distribuit
discumbentibus
similiter et ex piscibus quantum volebant.

ut autem impleti sunt dixit discipulis suis:
colligite quae superaserunt fragmenta ne pereant.

collegerunt ergo et impleserunt duodecim cofinos fragmentorum
ex quinque panibus hordiaciis quae superfuerunt his qui manducaserunt.

illi ergo homines cum vidissent quod fecerat signum dicebant
quia hic est vere Propheta qui venturus est in mundum.

Iesus ergo cum cognovisset quia venturi essent
ut raperent eum et facerent eum regem
fugit iterum in montem ipse solus.